Gebruik filters, rangskik en soek met die stoorfilter

Jy kan filters, rangskik- en soekopsies individueel of gekombineerd gebruik om te bepaal watter bladsye in die katalogus gewys word en in watter volgorde.

Wanneer ’n filter of soektog toegepas word, verander die aansig na die lysaansig waar die resultate vertoon word. Die toegepaste aktiewe filters en soektognavraag word bo die lys vertoon. Jy kan hulle verwyder deur op Verwyder alles na die filters te klik of deur op die verwyder-ikoon te klik (X) vir ’n enkelfilter.

In hierdie tabel word die filters, rangskik- en soekopsies beskryf:

Opsie Beskrywing
Soek Die soekveld is beskikbaar op die Bladsykatalogus se titelbalk. Jy kan soek vir enige deel van ’n bladsytitel, -beskrywing of etiket. Om te soek:
  1. Klik op die soek-ikoon op die Bladsykatalogus se titelbalk.
  2. Voer die teks in waarvoor gesoek moet word.
  3. Druk Voer in om die soektog toe te pas. Die resultate word in die Bladsykatalogus se lys-aansig vertoon.
Kategorie Klik op ’n kategorie uit die Kategorie-filter op die Bladsykatalogus-kantbalk om daardie kategorie te vertoon.
Eienaar Om te filtreer volgens eienaar, kies uit hierdie opsies:
  • My bladsye om jou bladsye te wys.
  • Enigiemand om al die bladsye te vertoon.
  • Besit deur om bladsye te vind wat deur 'n ander gebruiker besit word. Begin die naam van ’n gebruiker invoer in die soekveld hieronder in Besit deur. Die soekveld vertoon die beskikbare gebruikers wat ooreenstem met jou soekteks. Wanneer jy 'n gebruiker kies, word die lys opgedateer met die nuwe filter.
Let wel: ’n Administrateur kan ’n konfigurasie skep wat jou verhoed om die Besit deur -filter te gebruik. In hierdie geval is die Besit deur -veld nie beskikbaar nie.
Etikette Jy kan volgens etikette filtreer deur op ’n beskikbare etiket in die aansig te klik of deur die etiket in die etikettefilter in die kantbalk by te voeg.

Om ’n etiket by te voeg, begin om die etiketteks in die soekveld in die etiket-afdeling in te voer. Die soekveld vertoon voorstelle. Kies 'n voorstel om dit as 'n filter by te voeg.

As die etiket waarvoor jy soek nie gelys is tussen die voorstelle nie, voer die teks in die soekveld in en klik die voeg by -ikoon (+) langs die soekveld om dit as ’n etiket toe te pas.
Soort Gebruik die Soortfilter is om alle soorte bladsye, net gepubliseerde bladsye of slegs standaardbladsye te wys.
Let wel: Die Soortfilter is slegs beskikbaar wanneer die standaardbladsyefunksie geaktiveer is.
Rangskik Die Rangskikopsie beheer die volgorde waarin die bladsye gewys word. Jy kan volgens titel rangskik en die nuutste of oudste bladsye eerste wys. Die Rangskikopsie is slegs beskikbaar in die lysaansig, jy moet dus ’n filter of soektog byvoeg voordat jy kan rangskik.
Stoorfilter Om ’n filter te stoor beteken om al die toegepaste filters, die soekwoorde en die rangskikvolgorde te stoor sodat jy dit weer vinnig kan toepas. ’n Gestoorde filter is altyd beskikbaar in die My filters -aftreklys op die titelbalk. Die aftreklys word nie vertoon as jy geen gestoorde filters het nie.