Gebruik die groepprofiel

Jy kan hierdie besonderhede van ’n groep op die groepprofielskerm bekyk:

  • Groepnaam
  • Groepskeppingdatum
  • Groepskeppernaam
  • Groepbeskrywing
  • Groeplede
  • Groeponderwerpe
  • Groepstatus

Jy kan ook uit die groepprofiel spanmaats na die groep nooi. As jy ’n groepadministrateur is, kan jy ook die groepinligting wysig en die geargiveerde onderwerpe van ’n groep bestuur.

  1. Tik op ’n groepnaam in die onderwerpe-laai om na die groepprofielskerm te gaan.
  2. Om die lede in ’n groep te sien, tik op Lede.
    Die Groeplede-skerm word vertoon. As ’n groeplid ’n groepadministrateur is, word ’n geel ster-ikoon vertoon.
    1. Tik op ’n groeplid om die besonderhede van die lid te sien.
    2. Tik op die Stuur-ikoon om ’n boodskap aan ’n groeplid te stuur.
    3. Tik op die terugpyltjie om terug te gaan na Groeplede-skerm.
  3. Om inligting vir die groep te verander, tik op Wysig groep.
    Jy moet ’n Klets-administrateur of ’n groepadministrateur wees om die groepbesonderhede te kan wysig. As die Kletsgroep gedefinieer is as ’n verspreidingslys, kan jy nie hierdie groep herdefinieer nie.
    1. Spesifiseer veranderinge aan die groepbeskrywing of -sigbaarheid. Jy kan spanmaats byvoeg, groeplede skrap en groeplede identifiseer as groepadministrateurs. Jy kan ook die groepprofielprent oplaai of verander.
    2. Tik op die regmerkie om jou veranderinge aan die groep te stoor. Tik op Terug om die veranderinge te verwerp.
  4. Om onderwerpe vir die groep te bestuur, tik op Bestuur onderwerpe. Die aktiewe (ongeargiveerde) onderwerpe word eerste vertoon, gevolg deur die geargiveerde onderwerpe.
    Jy moet ’n Klets-administrateur of ’n groepadministrateur wees om die onderwerpe vir die groep te kan bestuur.
    1. Om aktiewe onderwerpe te argiveer, kies die onderwerp of onderwerpe en tik op Argiveer. Die gekose onderwerpe word geargiveer en geskuif na die afdeling vir geargiveerde onderwerpe.
      Jy kan nie die Algemeen- en Hulplyn-onderwerpe argiveer nie.
    2. Om die geargiveerde onderwerpe te deargiveer, kies die onderwerp of onderwerpe en tik op Deargiveer. Die gekose onderwerpe is nou gedeargiveer en geskuif na die afdeling vir aktiewe onderwerpe.
    3. Tik op die terugpyltjie om terug te gaan na die groepprofielskerm.
  5. Om ’n groep te skrap, tik op Skrap groep. Tik op Ja op die bevestigingsdialoog om die groep te skrap of tik op Nee om die aksie te kanselleer.
    Jy moet ’n Klets-administrateur of ’n groepadministrateur wees om ’n groep te kan skrap. Jy kan nie ’n groep wat as ’n verspreidingslys gedefinieer is, skrap nie.
  6. Om spanmaats by ’n groep te voeg:
    Jy moet ’n groepadministrateur wees om spanmaats by die groep te kan voeg.
    1. Tik op +VOEG SPANMAATS BY om na die spanmaatgids te gaan.
    2. Kies een of meer spanmaats en tik op die regmerkie om te stoor of die terugpyltjie om die veranderinge te verwerp.

      Die bygevoegde spanmaats word outomaties op die Algemeen- en Hulplyn-onderwerpe van die groep ingeteken. Jy kan ook die nuwe spanmaats op die ander onderwerpe van die groep inteken, of hulle kan sélf inteken.

  7. Om ’n groep te verlaat, tik op Verlaat groep.

    As jy ’n groepadministrateur is, kan jy die groep nie verlaat nie tensy daar meer as een administrateur vir die groep is.

    As dit ’n publieke groep is, verander die knoppie na Sluit by groep aan. As dit ’n private groep is, verander die knoppie na Stuur versoek.

  8. Tik op die terugpyltjie om terug te gaan na die groepelaai.